Þá er sýningin búin og mega terrier eigendur vel við una eftir þessa sýningu.
Það var almennt álit fólks að sýningin væri öll hin glæsilegasta og að andrúmsloftið væri mjög afslappað. Einnig var almenn ánægja með dómarann hann Christopher Bexon en hann hefur dæmt 9 sinnum á CRUFTS og því ekki amalegt að fá hann til að dæma okkar hunda og hvað þá með svona stuttum fyrirvara þar sem Jonny Anderson veiktist skyndilega stuttu fyrir sýningu.

Einn Silky Terrier varð meistari á þessari sýningu en hann Kóngur kláraði Íslenskan meistaratitill.
Besti hundur sýningar var líka Silky Terrier. Það var hún Hraunprýðis Alparós.
Við óskum eigendum þessara hunda til hamingju um leið og við óskum eigendum terrierhundanna til hamingju með árangurinn.